Elong Ugi "Yabe Lale"

Cakkaruddu atinrono 2x
Matinro tudang ammo
Allae nasala nippimmu

Nippi magi mumalewe 2x
Rewe’go makkawaru
Allae todongiko peddi

Peddi tegani mutaro 2x
Sarae ri atimmu
Allae aja mumadoko

Madoko-doko memanni 2x
Tau riwelaimmu
Allae makkale rojong-rojong

Elong Ugi "ININNAWA SABBARA'E"

Ininnawa sabbara'e

Ininnawa sabbara’ko
Mulolongeng gare’ deceng
Alla tosabbara’e de

Pitu taunna sabbara’
Pitu taunna sabara’
Tengina nengka ulolongeng
Alla riasengnge deceng

Deceng enrekki ribola
Deceng enrekki ribola
Tejjali tettappere
Alla banna mase-mase

Mase-mase iko naga
Mase-mase iko naga
Nigaro musilaongngeng
Alla mutellu sitinro

Tellu memengnga sitinro
Tellu memengnga sitinro
Nyawaku ro na tubukku
Alla dua temmassarang

Aga guna masara e
Aga guna masara e
Kupura makkuai toto e
Alla pura napancaji e

Elong "Alama Sea-Sea"

Alama sea-sea mua
tauna ompori sessekale
nasaba riwettu baiccuna
de' memeng naengka nagguru

Riwettu baiccuta mitu nawedding
narekko battoani masussani
nasaba maraja nawa-nawani
enrengnge pole toni kuttue